PAST, PRESENT & FUTURE

Submitted by administrator on April 18, 2008 - 11:42am
-S. Mung, Chirag Delhi
Siljousia athelthang suajou ta a, TUAHUN lai in :-
1. Siamsinna lam ah graduate tan bep in ana lungkim ua, post-graduate atawm mama nalai uhi. Khangdawng kitangvalsah (chilpuoh laitah), koima ginneilou, lah tha leh jung a koima jawnei manglou bang in akipilsah ua, akimuang mama mai uhi. Hinanle mitheina, siamna leh pilna tan mupha.banpha banlou ngen ahijiaj un atung uah mite’n vaihawm nuom asa leltah hi.
2. Internet/Cyber Café te ah ut in thu-le-la kupnuom leh gennuom ahauthei mama ua, hangsantah leh kimuangtah a thu-le-la gial in mi akidehpih ngam valiang uhi. Innsung leh kholai thu a gialte uapat mite’n angaituana uleh alungsim te uh theijou vahiau jel ahiman in abat phahlou chet ding un mite’n policy, diplomacy, strategy akhokhum vachet a, hinanle ‘keilou koi ahiai’ achi phenphan ngam nalaiset uhi.
3. Mite’n amau sungthu leh kholai thu-le-la te chabi(key) a kamkhum vachet lai un, amaute’n alungsim kotkhate uh thamlou in a tawlet (window) te uh nasan hong pengpong ahiman un, a innsung ua um jousia thamlou in kholai thu-le-la te nasan mite’n amau uapat musuah in atheisuoh vahiau jel uhi.
4. Thusia, Laasia khat a umle athei a amu masapen kahi chingaptuah in mikung a thejah kal ngala valong ua, bawlkhial, sepkhiel leh umdan hoiloute thu suut in hinkhua amang ua, tuakal inmite’n a innsung uleh nampi sung nasui in ana by-heart jel uhi. Sil hoisem leh umdan hoite thu gen ding la nuomvawt lou, midangte theikhah ding bang ana jau khienkhuan mawh uhi.
5. Lamkai te lah Upate jaadan jong theilou in, gensiat nang leh mawmat nang asui koi mawh uhi. Lamkaite silbawl pouma amuangmaw(suspect) gige ua, a organisation te uh hat theilou in apuoh khial jel hi. Asem a abawl pei lah hituomlou hinanle misep leh bawlte deh nang atanghawl let uhi.
6. Biehna leh organisation te ah lamkai hiding anuom vanuh sih ua, panla jong a umdiah sih uhi. Hinanle amau thupei/kilah ding anuom jing nalaiset uhi. Lamkai leh numei-naupang te mai ah ki senior sah in athaldah vahuou ua, amathu le laa te behbeh a peipi ua, amau deidan loute a sumit vachet uhi.
7. Ami asate’n thu-le-la adawhlou a akikuppi khak lou chiang un tapkotawng ah ajawn haan ua, jawnpan in koiteng lung kakai kawi thei eimah chi’n hanlung achiam koimawh uhi.
8. Khat-le-khat kijatuo, kikumtuo dildial, kipahtawi tua leh kinoutawi sang in akigense vagiap mawh ua, numei-naupangte lung-am sah in, belam apu umlou bang in anopnopna lam uah athal len let uhi.
TUHUN chiang in vang, vakhu bang a nunnem ngingei, gulbang a pilvang kiukiau, muvanlai bang a mittang chiim kilkel, sakhi bang a khodah vapial, keipi(humpi) bang a um vahuot, Zozam pallun lai bang singseng leh Tuailou pahpe bang a tulmaw namte ahita uhi.
Gam leh nampi suutpi dettah hiding in munchin-gamchin ah siamsin in Zogam vabang lensan nanle uh TUAHUN chaing in zatam lai ah guoltungtuang kisa’n limngabang aleng tasam ding ua; liibang a kiching in tuipi liantah asuoh tading uhi.
Submitted by administrator on April 18, 2008 - 11:42am
-S. Mung, Chirag Delhi
Siljousia athelthang suajou ta a, TUAHUN lai in :-
1. Siamsinna lam ah graduate tan bep in ana lungkim ua, post-graduate atawm mama nalai uhi. Khangdawng kitangvalsah (chilpuoh laitah), koima ginneilou, lah tha leh jung a koima jawnei manglou bang in akipilsah ua, akimuang mama mai uhi. Hinanle mitheina, siamna leh pilna tan mupha.banpha banlou ngen ahijiaj un atung uah mite’n vaihawm nuom asa leltah hi.
2. Internet/Cyber Café te ah ut in thu-le-la kupnuom leh gennuom ahauthei mama ua, hangsantah leh kimuangtah a thu-le-la gial in mi akidehpih ngam valiang uhi. Innsung leh kholai thu a gialte uapat mite’n angaituana uleh alungsim te uh theijou vahiau jel ahiman in abat phahlou chet ding un mite’n policy, diplomacy, strategy akhokhum vachet a, hinanle ‘keilou koi ahiai’ achi phenphan ngam nalaiset uhi.
3. Mite’n amau sungthu leh kholai thu-le-la te chabi(key) a kamkhum vachet lai un, amaute’n alungsim kotkhate uh thamlou in a tawlet (window) te uh nasan hong pengpong ahiman un, a innsung ua um jousia thamlou in kholai thu-le-la te nasan mite’n amau uapat musuah in atheisuoh vahiau jel uhi.
4. Thusia, Laasia khat a umle athei a amu masapen kahi chingaptuah in mikung a thejah kal ngala valong ua, bawlkhial, sepkhiel leh umdan hoiloute thu suut in hinkhua amang ua, tuakal inmite’n a innsung uleh nampi sung nasui in ana by-heart jel uhi. Sil hoisem leh umdan hoite thu gen ding la nuomvawt lou, midangte theikhah ding bang ana jau khienkhuan mawh uhi.
5. Lamkai te lah Upate jaadan jong theilou in, gensiat nang leh mawmat nang asui koi mawh uhi. Lamkaite silbawl pouma amuangmaw(suspect) gige ua, a organisation te uh hat theilou in apuoh khial jel hi. Asem a abawl pei lah hituomlou hinanle misep leh bawlte deh nang atanghawl let uhi.
6. Biehna leh organisation te ah lamkai hiding anuom vanuh sih ua, panla jong a umdiah sih uhi. Hinanle amau thupei/kilah ding anuom jing nalaiset uhi. Lamkai leh numei-naupang te mai ah ki senior sah in athaldah vahuou ua, amathu le laa te behbeh a peipi ua, amau deidan loute a sumit vachet uhi.
7. Ami asate’n thu-le-la adawhlou a akikuppi khak lou chiang un tapkotawng ah ajawn haan ua, jawnpan in koiteng lung kakai kawi thei eimah chi’n hanlung achiam koimawh uhi.
8. Khat-le-khat kijatuo, kikumtuo dildial, kipahtawi tua leh kinoutawi sang in akigense vagiap mawh ua, numei-naupangte lung-am sah in, belam apu umlou bang in anopnopna lam uah athal len let uhi.
TUHUN chiang in vang, vakhu bang a nunnem ngingei, gulbang a pilvang kiukiau, muvanlai bang a mittang chiim kilkel, sakhi bang a khodah vapial, keipi(humpi) bang a um vahuot, Zozam pallun lai bang singseng leh Tuailou pahpe bang a tulmaw namte ahita uhi.
Gam leh nampi suutpi dettah hiding in munchin-gamchin ah siamsin in Zogam vabang lensan nanle uh TUAHUN chaing in zatam lai ah guoltungtuang kisa’n limngabang aleng tasam ding ua; liibang a kiching in tuipi liantah asuoh tading uhi.